Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով,  Հայաստանի Հանրապետության կառավարության 2006 թվականի մայիսի 18–ի հ.912-Ն որոշմամբ հաստատված կարգի 14, 15 և 16-րդ կետի <<ա>> ենթակետով,Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 1-ին մասով, Հայաստանի Հանրապետության կառավարության 2017 թվականի հունիսի 29-ի <<Շինությունների նպատակային նշանակության դասակարգման ցանկը սահմանելու մասին>> հ. 757-Ն որոշման 2-րդ հավելվածի 3-րդ և 5-րդ կետերով,2015 թվականի մարտի 19-ի h.596-Ն որոշման N-1 հավելվածի 49-րդ կետով, հիմք ընդունելով ինքնակամ կառույցն իրականացրած անձի` Ասատուր Հակոբյանի 09.08.2019 թվականի թիվ 2533 դիմումը՝ որոշում եմ.

1.       Սեփականության իրավունքով (հիմք՝ սեփականության իրավունքի գրանցման 12072019--04-0023 վկայական) Ասատուր Հակոբյանին և Աստղիկ Մովսիսյանին պատկանող Արմավիր քաղաքի Երևանյան փողոց թիվ 51 հասցեում գտնվող ինքնակամ կառուցված 97.8 քմ ներքին և 112.0  արտաքին մակերեսով ավտոտեխսպասարկման կետը ճանաչել օրինական։

2.       Ընդունել ի գիտություն, որ 

1) կառույցի պահպանումը չի խախտում այլ անձանց իրավունքները և օրենքով պահպանվող   շահերը կամ վտանգ չի սպառնում քաղաքացիների կյանքին ու առողջությանը.
2) շինությունը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք։

3.          Սահմանել, որ իքնակամ կառույցն իրականացրած անձը.

1) սույն որոշման ընդունման օրվանից 60-օրյա ժամկետում, Արմավիր համայնքի բյուջե պետք է վճարի Հայաստանի Հանրապետության կառավարության 2006 թվականի մայիսի 18–ի հ. 912-Ն որոշմամբ հաստատված կարգի հաշվարկված 470400 (չորս հարյուր յոթանասուն հազար չորս հարյուր) ՀՀ դրամ օրինականացման վճարը:

2) իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

3) սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում, նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4) սույն որոշումն ուժի մեջ կմտնի , վարչական իրավախախտումների վերաբերյալ օրենքով սահմանված՝ 200000 ՀՀ դրամ տուգանքը համայնքի բյուջե վճարելուց հետո:

5.     Սույն որոշումը ՀՀ Oրենսդրությամբ սահմանված կարգով ենթակա է պետական գրանցման։