ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐ ՄԱՐԶԻ ԱՐՄԱՎԻՐ ՀԱՄԱՅՆՔԻ ՂԵԿԱՎԱՐ
Հայաստանի Հանրապետության Արմավիրի մարզի Արմավիր համայնք ՀՀ, Արմավիրի մարզ, ք.Արմավիր, (0237) 2-36-54, armavirmunicipality@gmail.com
|
Ո Ր Ո Շ ՈՒ Մ
21 ՀՈԿՏԵՄԲԵՐԻ 2019թվականի N 600-Ա
ԾԱՌ ՀԱՏԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Ղեկավարվելով << Տեղական ինքնակառավարման մասին>> Հայաստանի Հանրապետության օրենքի 51-րդ հոդվածի 1-ին մասի 1-ին կետով, <<Բնապահպանական վերահսկողության մասին>> Հայաստանի Հանրապետության օրենքի 36-րդ հոդվածի 1-ին մասով և հիմք ընդունելով Արմավիր համայնքի Մյանիկյան փողոցի թիվ 18 Ա, Հանրապետության փողոցի թիվ 12, Ջիվանու փողոցի թիվ 5 շենքերի մի խումբ բնակիչների 21.10.2019 թ. թիվ 3363 դիմում-խնդրանքը, Արմավիրի համայնքապետարանի աշխատակիցների և ավագանու անդամների համատեղ ուսումնասիրության 2019 թ. հոկտեմբերի 21-ի թիվ 1 արձանագրությունը, որոշում եմ`
1. Թույլատրել Արմավիր համայնքի <<Բարեկարգում>> տնօրինությանը` հատել Արմավիր քաղաքի Մյասնիկյան փողոցի Ջիվանի-Հանրապետության հատվածում մայթեզրերին գոյություն ունեցող թվով 26` Դրախտածառ` 6, Տուա` 3, Ղարաղաջ`5, Հացենի` 5 , Բալենի` 6, Թթենի` 1 տեսակի ծառերը, որոնք բազմաթիվ անհարմարություններ են առաջացնում նշված հատվածում իրականացվող ճանապարհի հիմնանորոգման աշխատանքների ժամանակ:
2. Հատվող ծառերը փոխարինել նախագծով նախատեսված քանակին համապատասխան 27 հատ գմբեթաձև ակացիաներով:
3. Հատումից առաջացած փայտանյութը հաշվառել և հատկացնել համայնքապետարանի ենթակայության նախադպրոցական հիմնարկներին:
4.Որոշման կատարման հսկողությունը դնել համայնքապետարանի աշխատակազմի քաղաքաշինության և բնակ. կոմունալ հարցերի բաժնի գլխավոր մասնագետ Ռ.Մելքոնյանի վրա:
ՀԱՄԱՅՆՔԻ ՂԵԿԱՎԱՐ ՎԱՐՇԱՄ ՍԱՐԳՍՅԱՆ
20 __ թ. ______________ ____
ք. Արմավիր