Ղեկավարվելով <<Նորմատիվ իրավական ակտերի մասին>> Հայաստանի Հանրապետության օրենքի 33-րդ հոդվածի 3-րդ մասով, <<Համայնքային ծառայության մասին>> Հայաստանի Հանրապետության օրենքի 10-րդ հոդվածի 3-րդ մասով, <<Հանրային ծառայության մասին>> Հայաստանի Հանրապետության օրենքի 46-րդ հոդվածով և հիմք ընդունելով Արմավիրի մարզպետարանի 2020 թվականի օգոստոսի 17-ի N 01/10.1/04946 գրությունը. որոշում եմ`
1. Հայաստանի Հանրապետության Արմավիրի մարզի Արմավիրի քաղաքային համայնքի ղեկավարի 2009 թվականի փետրվարի 26-ի N84-Ա որոշման մեջ կատարել լրացում`
1.1 Որոշմամբ հաստատված N1 հավելվածի՝ Հայաստանի Հանրապետության Արմավիրի մարզի Արմավիրի համայնքապետարանի աշխատակազմի քարտուղարի` 1.1-1 ծածկագրով պաշտոնի անձնագրի <<7. իրավունքները և պարտականությունները>> գլխի 11-րդ կետը լրացնել նոր <<ճ>> ենթակետով.
<< ճ) իրականացնում է բարեվարքության հարցերով կազմակերպչի գործառույթները `
հանրային ծառայողին տրամադրում է անհամատեղելիության պահանջների, այլ սահմանափակումների, վարքագծի կանոնների վերաբերյալ մասնագիտական խորհրդատվություն, ներկայացնում շահերի բախման իրավիճակի լուծմանն ուղղված քայլեր ձեռնարկելու վերաբերյալ առաջարկություն.
իրականացնում է բարեվարքության հարցերով վերապատրաստման կարիքների բացահայտում և վերապատրաստման ծրագիր, ինչպես նաև բարեվարքության պահանջների պահպանմանն ուղղված այլ ծրագրերի մշակում.
համապատասխան մարմնի գլխավոր քարտուղարի, էթիկայի հանձնաժողովի պահանջով կամ Կոռուպցիայի կանխարգելման հանձնաժողովի առաջարկով կատարում է բարեվարքության համակարգին առնչվող ուսումնասիություններ.
մշակում է հանրային ծառայողների բարեվարքության պլանների նախագծերը, դրանք ներկայացնում տվյալ մարմնում հաստատման.
վարում է հանրային ծառայողների կողմից անհամատեղելիության պահանքների, այլ սահմանափակումների, վարքագծի կանոնների խախտումների և շահերի բախման դեպքերի վիճակագրություն>>:
2. Որոշումն ուժի մեջ է մտնում ընդունման պահից: