Զեկ. ՆՈՅԵՄԻ ԽԱՉԱՏՐՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 8-րդ հոդվածի 1-ին մասի 14-րդ կետով, 11-րդ հոդվածով, 13-րդ հոդվածի 10-րդ մասով, Հայաստանի Հանրապետության կառավարության 2023 թվականի նոյեմբերի 2-ի N 1890-Ն որոշմամբ հաստատված կարգով և հիմք ընդունելով Արմավիր համայնքում 2025 թվականի մասնակցային բյուջետավորման գործընթացի կառավարման հանձնաժողովի 2025թ․ մարտի -ի արձանագրությունը՝

Արմավիր համայնքի ավագանին որոշում է․

1.Հավանություն տալ Արմավիր hամայնքում 2025 թվականի մասնակցային բյուջետավորման գործընթացի ժամանակ համայնքի բնակիչների կողմից ներկայացված և քվեարկության արդյունքում ընտրված առաջարկների հիման վրա ձևավորված հետևյալ ծրագրերի իրականացմանը․

1)ՀՀ Արմավիրի մարզի Արմավիր համայնքի Արմավիր քաղաքի Բաղրամյան փողոց 16/6 հասցեում 20x40 տիպի արհեստական խոտածածկով ֆուտբոլի դաշտի կառուցում,

2)ՀՀ Արմավիրի մարզի Արմավիր համայնքի Լուկաշին գյուղի զբոսայգում 20x40 տիպի արհեստական խոտածածկով ֆուտբոլի դաշտի կառուցում, 

3)ՀՀ Արմավիրի մարզի Արմավիր համայնքի Նորավան գյուղի 5-րդ փողոց 44 հասցեում 20x40 տիպի արհեստական խոտածածկով ֆուտբոլի դաշտի կառուցում,

2.Առաջարկներն իրականացնել ՀՀ կառավարության 2023 թվականի նոյեմբերի 2-ի N 1890-Ն որոշմամբ հաստատված կարգի, գնումների մասին օրենսդրության և այլ նորմատիվային ակտերի պահանջներին համապատասխան։  

3.Արմավիր համայնքի ղեկավարին՝ մասնակցային բյուջետավորմամբ ձևավորված ծրագրերի իրականացման ավարտից հետո ամփոփ հաշվետվություն ներկայացնել ավագանուն։  

4. Որոշումն ուժի մեջ է մտնում ընդունման պահից: