Զեկ. ԱԼԻՆԱ ՀՈՎՀԱՆՆԻՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության Հողային օրենսգրքի 76-րդ հոդվածով և հիմք ընդունելով Արմավիր համայնքի ավագանու 2023 թվականի փետրվարի 03-ի թիվ 006-Ա որոշումը՝

ԱՐՄԱՎԻՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է.

1.Հայաստանի Հանրապետության Արմավիրի մարզի Արմավիր համայնքի  սեփականություն հանդիսացող բնակավայրերի նպատակային նշանակության հողերից` Հայաստանի Հանրապետության Արմավիրի մարզի Արմավիր համայնքի Արմավիր քաղաքի Երևանյան փողոց 26/3 հասցեում գտնվող` 04-001-0050-0098 ծածկագրով, 41,0 քմ մակերեսով հասարակական կառուցապատման գործառնական նշանակության հողամասը տրամադրել մրցութային եղանակով, ժամանակավոր շինություն /տաղավար/ տեղադրելու համար՝ առևտրային գործունեություն իրականացնելու նպատակով: 

2.   Կառուցապատման տրամադրման ժամկետ սահմանել 15 տարի:

3.    Սահմանել.

ա)  առաջին հինգ տարվա ընթացքում /հողամասի/ մեկ քմ մակերեսի կառուցապատման վճարը՝ յուրաքանչյուր տարվա համար 12000 /տասներկու հազար/ ՀՀ դրամ:

բ)   յուրաքանչյուր հինգ տարին մեկ կառուցապատման վճարը ենթակա է վերանայման` գործող վարձավճարի 30 %-ի չափով:

4.   Որոշումն ուժի մեջ է մտնում ընդունմանը հաջորդող օրվանից: