Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հիմք ընդունելով Հայաստանի Հանրապետության կառավարության 2025 թվականի հուլիսի 31-ի թիվ 1067-Ա որոշումը՝

ԱՐՄԱՎԻՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1.Տալ համաձայնություն՝ Հայաստանի Հանրապետության Արմավիրի մարզի Արմավիր համայնքի սեփականությունը հանդիսացող, Արմավիր համայնքի գյուղ Մայիսյան, Այգեգործական 4-րդ թաղամասի 12-րդ փողոց, 4 հողամաս հասցեում գտնվող 4.5769 հա (կադաստրային ծածկագիր՝ 04-043-1004-0001, արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտներ) մակերեսով հողամասն առանց մրցույթի, վարձակալության իրավունքով «ԻՋԵՎԱՆՅԱՆ ԲԵԿՈՆ» սահմանափակ պատասխանատվությամբ ընկերությանը տրամադրելուն՝ ներդրումային ծրագրի իրականացման նպատակով` պայմանով, որ վարձակալության իրավունքը չի կարող փոխանցվել այլ անձի մինչև ներդրումային ծրագրի ամբողջ ծավալով իրականացումը:

2.Վարձակալության ժամկետ սահմանել 25 տարի:

3․Արմավիր համայնքի ղեկավարին՝ «ԻՋԵՎԱՆՅԱՆ ԲԵԿՈՆ» սահմանափակ պատասխանատվությամբ ընկերության հետ կնքել 1-ին կետում նշված հողամասը վարձակալության իրավունքով տրամադրելու մասին պայմանագիր:

4.Սահմանել որ.

ա)առաջին հինգ տարվա ընթացքում յուրաքանչյուր տարվա համար մեկ հա մակերեսի վարձակալության վճարը` 20 000 (քսան հազար) ՀՀ դրամ:

բ)յուրաքանչյուր հինգ տարին մեկ վարձակալության վճարը ենթակա է վերանայման` գործող վարձավճարի 50 %-ի չափով:

5.   Որոշումն ուժի մեջ է մտնում ընդունման պահից: