Ղեկավարվելով «Տեղական ինքնակառավարման մասին» Հայաստանի Հանրապետության օրենքի 3-րդ հոդվածի 1-ին մասով, 18-րդ հոդվածի 1-ին մասի 42-րդ կետով, Հայաստանի Հանրապետության հողային օրենսգրքի 3-րդ հոդվածի 1-ին և 2-րդ մասերով, հիմք ընդունելով Հայաստանի Հանրապետության քաղաքաշինության կոմիտեի «Քաղաքաշինական ծրագրերի փորձագիտական կենտրոն» բաց բաժնետիրական ընկերության եզրակացությունը /լիցենզիա 13527/, «ՎԻ ԷՄ-ԱՐ ՓԻ» ՍՊԸ-ի 2024 թվականի դեկտեմբերի 12-ի անշարժ գույքից առանձնացվող մասի շուաակն արժեքի գնահատման N ՎՄ-0/4186 հաշվետվությունը, «ԷՅԷՄԴԻ ՔՈՆՍԹՐԱՔՇՆ» ՍՊ ընկերության տնօրեն Դավիթ Ապետնակյանի գրությունը և քաղաքացիներ Արմինե Սամվելի Հարությունյանի, Մելանյա Լիպարիտի Մելքոնյանի համատեղ գրված 2024 թվականի դեկտեմբերի 09-ի թիվ 6789 դիմումը․
ԱՐՄԱՎԻՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝
1․ Տալ համաձայնություն՝ ձեռք բերելու քաղաքացիներ Արմինե Սամվելի Հարությունյանին և Մելանյա Լիպարիտի Մելքոնյանին ընդհանուր բաժնային սեփականության իրավունքով պատկանող Հայաստանի Հանրապետության Արմավիրի մարզի Արմավիր համայնքի Արմավիր քաղաքի Սայաթ-Նովա փողոց 84 բնակելի տուն հասցեում գտնվող, 0,07 հա մակերեսով, 04-001-0059-0021 կադաստրային ծածկագրով հողամասի վրա գտնվող բնակելի տնից և հողամասից առանձնացված 23․14 քմ մակերեսով հատվածը, որը փաստացի կառուցված է ընդհանուր օգտագործման համար նախատեսված մայթի վրա և խոչընդոտում է հետիոտների ազատ և անվտանգ տեղաշարժին։
Պայմանով, որ սեփակականատերերի կողմից իրենց նախաձեռնությամբ գոյություն ունեցող վթարային շենքը քանդելուց հետո ընդհանուր գույքը բաժանվի 2 մասի և 23.14 քմ մակերեսով հողամասը օտարվի Արմավիր համայնքին։
2․Ձեռք բերվող հողամասի գնման համար Արմավիր համայնքի բյուջեից նախատեսել 5,0 մլն ՀՀ դրամ և ձեռք բերված հողամասն օգտագործել ԱՔ-ԲՄԱՇՁԲ-24/4 ծածկագրի պայմանագրով նախատեսված հիմնանորոգվող փողոցի համար, որպես բացառապես մայթի հատված՝ ապահովելով հետիոտների ազատ և անվտանգ տեղաշարժը։
3․ Որոշումն ուժի մեջ է մտնում ընդունման պահից: