Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ  կետով, Հայաստանի Հանրապետության Հողային օրենսգրքի 7-րդ հոդվածի 15-րդ կետով, Հայաստանի Հանրապետության կառավարության 2005 թ․ դեկտեմբերի 29-ի թիվ 2387 որոշմամբ հաստատված կարգի 29-րդ և 51-րդ կետերով, հիմք ընդունելով Արմավիր համայնքի ավագանու 2024թ․ նոյեմբերի 29-ի թիվ 131-Ն որոշումը, հիմք ընդունելով քաղաքացի Սերոբ  Սմբատի Հարությունյանի 2025 թվականի մայիսի 19-ի թիվ 2602 դիմումը և Արմավիր համայնքի ավագանու 2025թ. հունիսի 27-ի թիվ 077-Ա որոշումը՝

ՈՐՈՇՈՒՄ ԵՄ

1․Հայաստանի Հանրապետության Արմավիրի մարզի Արմավիր համայնքի Նորավան գյուղում  գտնվող  Սերոբ  Սմբատի Հարությունյանի սեփականություն հանդիսացող 04-076-0113-0052 կադաստրային ծածկագիր ունեցող 0․2959 հա մակերեսով  գյուղատնտեսական  նպատակային նշանակության վարելահողը փոխադրել՝ արդյունաբերության, ընդերքօգտագործման և այլ արտադրական նշանակության հողի՝ գյուղատնտեսական արտադրական օբյեկտների գործառնական նշանակության հողամասի՝ ջերմոց կառուցելու համար։

2․Կատարել համապատասխան փոփոխություն՝ Հայաստանի Հանարպետության Արմավիրի մարզի Արմավիր համայնքի Նորավան գյուղը ներառող միկրոռեգիոնալ մակարդակի Արմավիր-3 համակցված տարածական պլանավորման փաստաթղթում։

3․ Սերոբ  Սմբատի Հարությունյանին (ծնվ․ 11/05/1990թ․) պատկանող Հայաստանի Հանրապետության Արմավիրի մարզի Արմավիր համայնքի Նորավան գյուղում գտնվող` 04-076-0113-0052 կադաստրային ծածկագրով  0․2959 հա մակերեսով հողամասին տալ հասցե՝ Հայաստանի  Հանրապետության Արմավիրի մարզի Արմավիր համայնք, գյուղ Նորավան, 7-րդ փողոց, 54/2 ջերմոց։

4․ Սույն որոշմամբ գույքային միավորին տրամադրած հասցեն ենթակա է պետական գրանցման։

5․ Սույն որոշումն ուժի մեջ է մտնում Արմավիրի մարզի Արմավիր համայնքի ավագանու որոշմամբ սահմանված հասցեի տրամադրման վճարը համայնքի բյուջե վճարելուց հետո։

6․ Սույն որոշումը կարող է վարչական կարգով բողոքարկվել Արմավիրի մարզի Արմավիր համայնքի ղեկավարին կամ դատական կարգով Հայաստանի Հանրապետության վարչական դատարան՝  ուժի մեջ մտնելու օրվանից երկու ամսվա ընթացքում։

7․Սույն որոշումն ուժի մեջ է մտնում ընդունմանը հաջորդող օրվանից։