|
15.05.25
Այց Նորավան և Լենուղի գյուղերի մանկապարտեզների շինհրապարակներ․
|
Արմավիր համայնքի ղեկավար Վարշամ Սարգսյանը մարզպետ Արգիշտի Մեխակյանի, մարզպետի աշխատակազմի և համայնքապետարանի ոլորտային պատասխանատուների հետ այցելել է Արմավիր համայնքի Նորավան և Լենուղի գյուղեր՝ հետևելու Քաղաքաշինության կոմիտեի պատվերով, պետական բյուջեի միջոցներով կառուցվող մոդուլային տիպի մանկապարտեզների շինարարական աշխատանքների ընթացքին։ Վերոնշյալ երկու մանկապարտեզներն էլ նախատեսված են 144 սանի համար։ Նորավան գյուղի մոդուլային մանկապարտեզի արժեքը 742 453 400 ՀՀ դրամ է, Լենուղի գյուղի մոդուլային մանկապարտեզինը՝ 855 689 611 ՀՀ դրամ։ Ծրագրերով նախատեսված է մոդուլային տիպի մանկապարտեզների կառուցում, ժամանակակից գույքով ամբողջական կահավորում, բակային հատվածների բարեկարգում և խաղահրապարակների կառուցում։ |
|
|
14.05.25
Հայտարարություն
|
|
Արմավիր համայնքի հարգելի՛ բնակիչներ2025թ. հունիսի 17-ին՝ ժամը 14:00-ին, համաձայն «Շրջակա միջավայրի վրա ազդեցության գնահատման և փորձաքննության մասին» օրենքով (21.06.2014թ. Հ0-110-Ն) և ՀՀ կառավարության 19.11.2014թ. N 1325-Ն որոշմամբ սահմանված կարգի, Արմավիրի համայնքապետարանի նիստերի դահլիճում (հասցե՝ ք․ Արմավիր, Հանրապետության 32) տեղի կունենա «Ալվինա բնակելի համալիր» ՍՊԸ-ի /ՀՀ քաղաք Երևան, Սևանի փ. 86/2/ կողմից ներկայացված՝ Արմավիր համայնքի Արմավիր քաղաքի Ա․ Ջիվանի 12 հողամաս հասցեում բազմաֆունկցիոնալ բնակելի շենքերի կառուցման նախատեսվող գործունեության վերաբերյալ («Շրջակա միջավայրի վրա ազդեցության գնահատման և փորձաքննության մասին» օրենքի 12-րդ հոդվածի 4-րդ կետի ...
Մանրամասն |
|
|
13.05.25
Արմավիր համայնքի Լենուղի գյուղի վթարային շենքերի բնակիչների երազանքն այլևս իրականություն է։
|
Մայիսի 12-ին Արմավիր համայնքի ղեկավար Վարշամ Սարգսյանը Արմավիրի մարզպետ Արգիշտի Մեխակյանի հետ Արմավիրի մարզպետարանում հանդիպել է Լենուղի գյուղի 4-րդ փողոցի թիվ 1 և թիվ 3 բազմաբնակարան վթարային շենքերի բնակարաններում փաստացի բնակվող, տիրապետող կամ օգտագործող բնակիչների հետ։ Հանդիպման ընթացքում, ՀՀ կառավարության 2025 թվականի մարտի 20-ի թիվ 340-Ն որոշման համաձայն, բնակարանի գնման վկայագրեր են հանձնվել վթարային շենքերի բնակիչներին բնակարան (բնակելի տուն) ձեռք բերելու կամ անհատական բնակելի տուն կառուցելու նպատակով։ |
|
|
09.05.25
Հաղթանակի և խաղաղության տոն
|
|
Այսօր Արմավիր համայնքի ղեկավարի տեղակալներ Կարեն Մկրտչյանը, Ֆելիքս Պետրոսյանը, համայնքապետարանի աշխատակազմը, համայնքային կազմակերպությունների ներկայացուցիչները Հաղթանակի և խաղաղության տոնի առթիվ հարգանքի տուրք մատուցեցին և ծաղիկներ խոնարհեցին բոլոր ժամանակներում խաղաղության համար նահատակված քաջ հայորդիների վառ հիշատակին:
|
|
|
07.05.25
Հայտարարություն
|
Տեղեկացվում է, որ «Հայաստանի Հանրապետության Արմավիրի մարզի Արմավիր համայնքի ջրամատակարար» ՀՈԱԿ-ին անհրաժեշտ են հսկիչ-ջրբաշխներ: Ցանկացողները կարող են զանգահարել հետևյալ հեռախոսահամարով՝ 041-07-00-27 կամ այցելել «Արմավիր համայնքի ջրամատակարար» ՀՈԱԿ (ք. Արմավիր Սայաթ-Նովա 109ա): |
|
|
03.05.25
Համապետական շաբաթօրյակն Արմավիր համայնքում.
|
Մայիսի 3-ին Արմավիր համայնքի ողջ տարածքում անցկացվեց համապետական շաբաթօրյակ: Վաղ առավոտից Արմավիր համայնքում նախատեսված համապետական շաբաթօրյակի շրջանակներում ակտիվ աշխատանքներ իրականացվեցին համայնքային կառույցներում, զբոսայգիներում, պուրակներում, փողոցներում, բակերում, գյուղական բնակավայրերում: Շաբաթօրյակին իրենց ակտիվ մասնակցությունն ունեցան համայնքային և պետական կառույցների, կազմակերպությունների աշխատակիցները, զորամասի զինծառայողները, դպրոցականները, ուսանողները, համայնքի բնակիչները: Միասին մաքուր պահե՛նք մեր համայնքը, որը մեր հայրենիքի մի մասն է: |
|
|
03.05.25
Շարունակելով համայնքի բնակիչների հետ հանդիպումները․
|
Շարունակելով համայնքի բնակիչների հետ հանդիպումները՝ Արմավիր համայնքի ղեկավար Վարշամ Սարգսյաննայս անգամ Արմավիր քաղաքի Հանրապետության փողոցի թիվ 35 և 37 շենքերի բակում էր, որտեղ համայնքի ղեկավարի տեղակալ Կարեն Մկրտչյանի, համայնքի ավագանու անդամների հետ հանդիպել է բնակիչների հետ: Հանդիպման ժամանակ ծավալված ակտիվ քննարկման ընթացքում վերջիններս ներկայացրին իրենց հուզող հարցերը՝ կապված շենքերի բակերի բարեկարգման, կանաչապատման, խաղադաշտի կառուցման հետ: Համայնքի ղեկավարը քաղաքացիների հետ ձեռք է բերել պայմանավորվածություն՝ քննարկել իրենց կողմից բարձրացրած հարցերը և հնարավորինս սեղմ ժամկետում տալ համապատասխան լուծումներ: |
|
| 1 2 3 4 5 6 7 8 9 10 ... |