Արմավիր համայնքի հարգելի՛ բնակիչներ, ուրախությամբ տեղեկացնում ենք, որ ՀՀ կառավարության աջակցությամբ Արմավիր համայնքում 2024 թվականին իրականացվելու է Մասնակցային բյուջետավորման ծրագրի շրջանակում ընտրված առաջարկի/առաջարկների իրագործում:
Սա լավագույն հնարավորությունն է՝ անմիջականորեն մասնակցելու համայնքին վերաբերող որոշումների կայացմանը, համայնքում իրականացվող ծրագրերի ընտրությանը և իրագործմանը:
Առաջարկ կարող եք ներկայացնել՝ անցնելով հետևյալ հղումով https://www.armavircity.am/Pages/DocFlow/Default.aspx?a=v&tv=-4&g=773565cb-1287-4374-975a-b7fdcd4aa95b և «ՈՒՂԱՐԿԵԼ ԱՌԱՋԱՐԿ» բաժնում ավելացնելով Ձեր կողմից առաջարկվող ծրագիրը:
Ծրագիրը պետք է ներկայացնել համապատասխան ձևաթղթով (ձևաթուղթը կցվում է):
Առաջարկվող ծրագրի արժեքը չպետք է գերազանցի ՀՀ պետական և Արմավիր համայնքի բյուջեներով սահմանված՝ 145 161 600 ՀՀ դրամը:
Ծրագիրը պետք է լինի կապիտալ, համայնքի տարածքում 2024 թվականի ընթացքում տեխնիկապես իրագործելի:
Առաջարկ կարող են ներկայացնել 16 տարին լրացած համայնքի բնակիչները՝ ինչպես անձամբ, այնպես էլ հասարակական միավորումների և քաղաքացիական նախաձեռնությունների միջոցով:
Հորդորում ենք ցուցաբերել ակտիվություն, քանի որ առաջարկ ներկայացնելու համար սահմանված ժամանակահատվածի ավարտը սույն թվականի փետրվարի 15-ն է: