Հարգելի՛ պարոն Սարգսյան,

Հիմք ընդունելով ՀՀ կառավարության 02.11.2023թ. N 1890-Ն որոշման առաջին կետով հաստատված հավելվածի 17-րդ և 18-րդ կետերով նախատեսված կարգավորումները` ՀՀ տարածքային կառավարման և ենթակառուցվածքների նախարարությունն (այսուհետ` նախարարություն) ամփոփել է ՀՀ Արմավիրի մարզի Արմավիր համայնքի մասնակցային բյուջետավորման ընթացակարգերով ձևավորված ծրագրերի իրականացման նպատակով ՀՀ 2024թ. պետական բյուջեից սուբվենցիայի ստացման թվով երեք ծրագրային հայտերի (Արմավիր քաղաքի հրապարակամերձ հատվածում՝ համայնքապետարանի և մշակույթի տան միջնամասում ժամանակակից լուծումներով այգու կառուցման ծրագիր, Լենուղի բնակավայրի վարչական ղեկավարի նստավայրի (շենքի) մասնակի հիմնանորոգման ծրագիր և Մյասնիկյան բնակավայրի մշակույթի տան դիմացի այգու հիմնանորոգման ծրագիր) վերաբերյալ ՀՀ ֆինանսների նախարարության և համապատասխան ոլորտային պետական կառավարման մարմինների ներկայացրած դիրքորոշումները և եզրակացնում է, որ հայտերը կազմված են` համաձայն վերոնշյալ որոշմամբ հաստատված կարգի պահանջներին համապատասխան:

Հաշվի առնելով նշյալ որոշման հավելվածի 18-րդ կետի 1-ին ենթակետը՝ սույն գրությամբ նախարարությունը ծանուցում է՝ Արմավիր քաղաքի հրապարակամերձ հատվածում՝ համայնքապետարանի և մշակույթի տան միջնամասում ժամանակակից լուծումներով այգու կառուցման ծրագրի, Լենուղի բնակավայրի վարչական ղեկավարի նստավայրի (շենքի) մասնակի հիմնանորոգման ծրագրի և Մյասնիկյան բնակավայրի մշակույթի տան դիմացի այգու հիմնանորոգման ծրագրի հայտերին համաձայնություն տալու մասին:                                     

Միաժամանակ նկատի ունենալով նաև հիշյալ որոշման  հավելվածի 22-րդ կետում նախանշված կարգավորումը` առաջարկում ենք հայտին համաձայնություն տալու մասին ծանուցումն ստանալուց հետո մեկ աշխատանքային օրվա ընթացքում այն հրապարակել համայնքի պաշտոնական կայքում: