Արմավիր համայնքի ղեկավարը քննության առնելով՝ Արմավիր քաղաքում Արթուր Պետրոսի Մարգարյանի կողմից շնամարտեր կազամակերպելու համար վարչական գործը, պարզեց որ, Արթուր Մարգարյանը խախտելով Վարչական իրավախախտումների վերաբերյալ Հայաստանի Հանրապետության օրենսգրքի 92-րդ հոդվածով սահմանված պահանջները` կենդանիների նկատմամբ դաժան վերաբերմունքը, որը հանգեցրել է դրանց ոչնչացման կամ խեղման, ինչպես նաև կենդանիներին խոշտանգելը` առաջացնում է տուգանքի նշանակում քաղաքացիներին կատմամբ` սահմանված նվազագույն աշխատավարձի երեսնապատիկից մինչև հիսնապատիկի չափով, իսկ պաշտոնատար անձանց նկատմամբ` ութսունապատիկից մինչև հարյուրապատիկի չափով, ինչի կապակցությամբ Արմավիրի մարզային վարչության Արմավիրի բաժնի պետի 16.10.2019թ. թիվ 47-15/10214 գրության հիման վրա 2019 թվականի հոկտեմբերի 10-ին <<Վարչարարության հիմունքների և վարչական վարույթի մասին>> Հայաստանի Հանրապետության օրենքի 30-րդ հոդվածի 1-ին մասի <<ա>> կետով սահմանված կարգով, <<Վարչական իրավախախտումների վերաբերյալ Հայաստանի Հանրապետության օրենսգրքի 92-րդ հոդվածի պահանջների խախտման փաստով Արմավիրի համայնքապետարանում հարուցվել է վարչական վարույթ: Արմավիրի համայնքապետարանի վարչական հանձնաժողովը (այսուհետ հանձնաժողով) հրավիրել և անցկացրել է նիստ Արթուր Մարգարյանի բացակայությամբ, ով պատշաճ ծանուցված է եղել նիստի օրվա և ժամի մասին, սակայն չի ներկայացել նիստին /հիմք` 22.10.2019 թվականի AG018627918AM փոստային անդորրագիրը/:
Վարչական ակտն ընդունելու համար հիմք հանդիսացող փաստերը.
ՀՀ Ոստիկանության Արմավիրի մարզային վարչության Արմավիրի բաժնի պետ` ոստիկանության փոխգնդապետ Մ. Խաչատրյանի 16.10.2019թ. թիվ 47-15/10214 գրությունը:
Իրավախախտող Արթուր Մարգարյանից բացատրություն վերցնելու մասին 15.10.2019թ. ոստիկանության Արմավիրի բաժնի տեսուչի կողմից կազմված արձանագրությունը, ՀՀ ոստիկանության հասարակական կարգի ապահովման վարչության պետ ոստիկանության գնդապետ Գ. Այվազյանի 11.10.2019թ. թիվ 19(127-619)-19 գրությունը, ՀՀ վարչապետի աշխատակազմի քաղաքացիների ընդունելության և դիմումների քննարկման վարչության պետ Ա. Ղազարյանի թիվ 14/14.15/45025-2019 գրությունը, Սոնա Մանուկյանի կողմից ՀՀ վարչապետի ֆեյսբուքյան էջին հասցեագրված դրմումի պատճեն և օդնոկլասսնիկի սոցիալական կայքից արված պատճեններ,
Վարչական հանձնաժողովի 2019 թվականի նոյեմբերի 13արձանագրությունը:
<<Վարչարարության հիմունքների և վարչական վարույթի մասին>> ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմքընդունելով վերոհիշյալ փաստերը վարչական մարմինը հաստատված է համարում հետևյալը.
Արթուր Մարգարյանը /հաշվառված` Արմավիրի մարզ, քաղաք Արմավի Գործարանային փողոց 1-ին շենք, 48 բնակարան հասցեում/ Արմավիր քաղաքի մարզադաշտի դիմաց կազմակերպել է շնամարտեր:
Նշված փաստական հանգամանքները հաշվի առնելով՝ 2019 թվականի հոկտեմբերի 18-ին <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<ա>> կետի հիմքով, Արմավիրի համայնքապետարանում հարուցված վարչական վարույթի շրջանակներում 2019 նոյեմբերի 13-ին հրավիրվել է վարչական նիստ, որին մասնակցելու նպատակով քաղաքացի Արթուր Մարգարյանը պատշաճ ծանուցվել է /հիմք` 22.10.2019 թվականի AG018627918AM փոստային անդորրագիրը/:
Վերջինս, ծանուցված լինելով վարչական վարույթի անցկացման վայրի և ժամանակի մասին, չի ներկայացել վարչական վարույթի լսմանը:
Արդյունքում հանձնաժողովը արձանագրություն է կազմել և առաջարկել՝ իրավախախտող Ա. Մարգարյանին ենթարկել վարչական պատասխանատվության և նշանակել վարչական տույժ` Վարչական իրավախախտումների վերաբերյալ ՀՀօրենսգրքի 92-րդ հոդվածով սահմանված կարգով:
Վարչական ակտ ընդունելու հիմնավորումը.
Համաձայն <<Տեղական ինքնակառավարման մասին>> ՀՀ օրենքի 35-րդ հոդվածի առաջին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
Վարչական իրավախախտումների վերաբերյալ ՀՀօրենսգրքի 92-րդ հոդվածի համաձայն՝ կենդանիների նկատմամբ դաժան վերաբերմունքը, որը հանգեցրել է դրանց ոչնչացման կամ խեղման, ինչպես նաև կենդանիներին խոշտանգելը` առաջացնում է տուգանքի նշանակում քաղաքացիների նկատմամբ` սահմանված նվազագույն աշխատավարձի երեսնապատիկից մինչև հիսնապատիկի չափով:
Ելնելով վերոգրյալից և ղեկավարվելով <<Տեղական ինքնակառավարման մասին>> ՀՀ օրենքի 35-րդ հոդվածի առաջին մասի 26-րդ կետով, Վարչական իրավախախտումների վերաբերյալ ՀՀ օրենսգրքի 92-րդ հոդվածով, 215-րդ հոդվածի 1-ին մասով, <<Վարչարարության հիմունքների և վարչական վարույթի մասին>> ՀՀ օրենքի 53-րդ, 58-60-րդ հոդվածներով՝ և հիմք ընդունելով Արմավիրի համայնքապետարանի վարչական հանձնաժողովի 13.11.2019թ. արձանագրությունը.
ՈՐՈՇՈՒՄ ԵՄ
1. Արմավիր քաղաքում շնամարտեր կազամակերպելու համար Արթուր Պետրոսի Մարգարյանի նկատմամբ նշանակել տուգանք, 30000 /երեսուն հազար/ ՀՀ դրամի չափով:
2. Սույն որոշումը կարող է դատական կարգով բողոքարկվել ՀՀ վարչական դատարան՝ <<Վարչարարության հիմունքների և վարչական վարույթի մասին>> ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝դրա ուժի մեջ մտնելու օրվանից երկամսյա ժամկետում։
3. Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> ՀՀօրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ ԴԱՀԿ ծառայության միջոցով` անբողոքարկելի դառնալուց հետո եռամսյա ժամկետում:
4. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշոփվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և/ կամ համայնքապետարանի տեղեկագրերում հրատարակելու միջոցով: