Ղեկավարվելով Հայաստանի Հանրապետության <<Հողային օրենսգրքի>> 48, 60 և 76 հոդվածներով, Հայաստանի Հանրապետության կառավարության <<Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգըհ աստատելու մասին>> 2001 թ. ապրիլի 12-ինթիվ 286 որոշման 46.2 կետի ա) ենթակետով և հիմք ընդունելով <<Ջի Էյչ Յունյոն>> ՍՊԸ-ի տնօրեն Հ.Հարությունյանի 17.01.2023 թ. թիվ 4722 դիմումը`
ՈՐՈՇՈՒՄ ԵՄ.
1.Արմավիր համայնքի սեփականություն հանդիսացող, Հանրապետության փողոցի թիվ 21/13 հասցեում գտնվող խառը կառուցապատման տարածքից 1,0 քմ մակերեսով հողամասը կառուցապատման իրավունքով հատկացնել <<Ջի Էյչ Յունյոն>> ՍՊԸ-ին` ոչ հիմնական շինություն (գովազդային վահանակ) տեղադրելու նպատակով, համաձայն որոշման անբաժանելի մասը հանդիսացող հողամասի սխեմա-հատակագծի (կցվում է):
2. Հանձնարարել Արմավիրի համայնքապետարանի աշխատակազմի իրավաբանական բաժնին <<Ջի Էյչ Յունյոն>> ՍՊԸ-ի հետ կնքել հողամասի կառուցապատման իրավունքի տրամադրման պայմանագիր: Պայմանագրով կառուցապատման իրավունքի ժամկետ սահմանել 10 տարի, իսկ կառուցապատման իրավունքի տարեկան վճար` 12000 (տասներկու հազար) Հայաստանի Հանրապետության դրամ 1 քմ հողամասի համար:
3. Սահմանել, որ կառուցապատման իրավունքի պայմանագրի նոտարական վավերացման և պետական գրանցման հետ կապված վճարների ու տուրքերի վճարումը կատարում է Հովհաննես Հարությունյանը` իր միջոցների հաշվին.
ա) գովազդային վահանակի տեղադրումը իրականացվում է Արմավիր համայնքի վարչական տարածքում ոչ հիմնական շինությունների տեղադրման սահմանված տեղական տուրքը համայնքի բյուջե վճարելուց և տաղավարի էսքիզային նախագիծը համայնքապետարանի հետ համաձայնեցնելուց հետո.
բ) գովազդային վահանակի տեղադրման հսկողությունը հանձնարարվում է Արմավիրի համայնքապետարանի աշխատակազմի քաղաքաշինության և բնակարանային կոմունալ հարցերի բաժնին:
4. Սույն որոշումն ուժի մեջ է մտնում Արմավիր համայնքի տնօրինության և օգտագործման տակ գտնվող հողերը հատկացնելու, հետ վերցնելու և վարձակալության տրամադրելու դեպքերում անհրաժեշտ փաստաթղթերըի (փաթեթի) նախապատրաստման համար սահմանված տեղական տուրքը համայնքի բյուջե վճարելուց հետո: