Արմավիր համայնքի ղեկավարի 2008 թվականի մայիսի 5-ի թիվ 241-Ա որոշմամբ Արմավիր քաղաքի Հանրապետության փողոց թիվ 11 տաղավար ժամանակավոր հասցեում գտնվող 34,6 քմ մակերեսով հողամասը կառուցապատման իրավունքով 5 տարի ժամկետով հատկացվել է Հրանուշ Խաչատրյանին` համաձայն որի Արմավիրի համայնքապետարանի և Հ. Խաչատրյանի միջև 16.05.2008 թվականին կնքվել է հողամասի կառուցապատման իրավունքի տրամադրման պայմանագիր՝ սեղ. նո 2449:
Հողամասի կառուցապատման իրավունքի տրամադրման պայմանագրի գործողության ժամկետը լրացել է: Հրանուշ Խաչատրյանը մինչ օրս բարեխղճորեն և լրիվ ծավալով կատարել է իր՝ կառուցապատողի պարտականությունները:
Ղեկավարվելով Հայաստանի Հանրապետության Քաղաքացիական օրենսգրքի 466 և 468 հոդվածների 1-ին մասերով, «Վարչարարության հիմունքների և վարչական վարույթի մասին» Հայաստանի Հանրապետության օրենքի 3, 53, 59, 60-րդ հոդվածներով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք ընդունելով համայնքապետարանի և Հրանուշ Խաչատրյանի միջև 16.05.2008 թվականին կնքված հողամասի կառուցապատման իրավունքի տրամադրման պայմանագրի 9.1 կետը, Հրանուշ Խաչատրյանի 2018 թվականի հոկտեմբերի 8-ի թիվ 796 դիմումը. որոշում եմ՝
1. Արմավիրի համայնքի և Հրանուշ Խաչատրյանի միջև 16.05.2008 թվականին կնքված հողամասի կառուցապատման իրավունքի տրամադրման պայմանագրում /սեղ. նո 2449/ կատարել փոփոխություն.
1.1 Հողամասի կառուցապատման իրավունքի տրամադրման ժամկետը երկարացնել մինչև 16.05.2023 թվականը:
2. Իրավաբանական բաժնին Հրանուշ Խաչատրյանի հետ կնքել համաձայնագիր` 16.05.2008 թվականին /սեղ. 2449/ կնքված հողամասի կառուցապատման իրավունքի տրամադրման պայմանագրում փոփոխություն կատարելու մասին:
3. Սույն որոշումն ուժի մեջ է մտնում ընդունմանը հաջորդող օրվանից: