Արմավիր համայնքի ղեկավարի 2012 թվականի նոյեմբերի30-ի թիվ 559-Ա որոշմամբ Արմավիր քաղաքի Երևանյան փողոցի թիվ 17/2 ժամանակավոր հասցեում գտնվող 1.0 քմ մակերեսով հողամասը կառուցապատման իրավունքով 5 տարի ժամկետով հատկացվել է Ալինա Ղազարյանին՝ համաձայն որի Արմավիրի քաղաքային համայնքի և Ալինա Ղազարյանի միջև 17.12.2012 թվականին կնքվել է հողամասի կառուցապատման իրավունքի տրամադրման պայմանագիր՝ սեղ. նո 7588:
Հողամասի կառուցապատման իրավունքի տրամադրման պայմանագրի գործողության ժամկետը լրացել է: Ալինա Ղազարյանը մինչ օրս բարեխղճորեն և լրիվ ծավալով կատարել է իր՝ կառուցապատողի պարտականությունները:
Ղեկավարվելով Հայաստանի Հանրապետության Քաղաքացիական օրենսգրքի 466 և 468 հոդվածների 1-ին մասերով, «Վարչարարության հիմունքների և վարչական վարույթի մասին» Հայաստանի Հանրապետության օրենքի 3, 53, 59, 60-րդ հոդվածներով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք ընդունելով Արմավիրի քաղաքային համայնքի և Ալինա Ղազարյանի միջև 17.12.2012 թվականին կնքված հողամասի կառուցապատման իրավունքի տրամադրման պայմանագրի 9.1 կետը, Ալինա Ղազարյանի 2019 թվականի նոյեմբերի 15-ի թիվ 3676 դիմումը. որոշում եմ՝
1. Արմավիրի քաղաքային համայնքի և Ալինա Ղազարյանի միջև 17.12.2012 թվականին կնքված հողամասի կառուցապատման իրավունքի տրամադրման պայմանագրում /սեղ. նո 7588/ կատարել փոփոխություն.
1.1 Հողամասի կառուցապատման իրավունքի տրամադրման ժամկետը երկարացնել մինչև 17.12.2024 թվականը:
2. Իրավաբանական բաժնին Ալինա Ղազարյանի հետ կնքել համաձայնագիր` 17.12.2012 թվականին /սեղ. 7588/ կնքված հողամասի կառուցապատման իրավունքի տրամադրման պայմանագրում փոփոխություն կատարելու մասին:
3. Սույն որոշումն ուժի մեջ է մտնում ընդունմանը հաջորդող օրվանից: